Dit is ons tweede dag by die asemrowende Mlibizi en vandag is die volgende groot jagtog op ons reis, - die soektog na tiervis. Die reenerige weer het nie ons missie makliker gemaak nie. Ons was so opgewonde oor die dag dat ons alreeds 06:30 ons visstokke begin regmaak het, met die wete dat ons eers 7:30 ons gids ontmoet. Dit het gelyk of ons 'n film op die meer gaan skiet met al die kamaratoetusting wat Villiers saam gevat het!
 |
| Dis hoe Villiers dit doen, met 'n Coke in die hand, natuurlik! |
As gevolg van al die reen was die water baie vuil, en wou die vis vir die eerste uur glad nie byt nie. Ons gids, Joshua Mudenda, was vasbeslote dat ons wel tiere sou kry. Hy neem ons toe 5km stroom af, in Binga se rigting, en draai by 'n baie skoner baai in. Ons het nie lank gestaan nie, toe begin Joshua die Kurpers (of eerder Bream, soos dit hier bekend is) een na die ander in te trek. Ek en Villiers was nie opsoek na die klein vissies nie, maar eerder die vis wat hulle as prooi beskou! Na 'n hele klomp gooie, het ek uiteindelik 'n byt gehad, en so ook die eerste Tier van die dag uitgetrek. Daarna trek Joshua die grootste tier van die dag uit. Dit het Villiers baie opgewonde agter die kamera gehad.
 |
| Joshua en sy monster |
 |
| Nie so groot, maar darm op die boot... |
Die dag het al hoe langer geword en die son het ook later besluit om in te loer. Ek moes toe maar instem om 'n ander dag my 6kg droom Tier te kom soek. Een ding waaroor en nou sit en wonder: Hoe sou Villiers 'pose' vir 'n foto met sy vrees vir die vis reuk?!
 |
| Ek het darm nog al my vingers! |
JI
Hoogtepunte:
JI: Villiers se gesig toe hy die grote mis!
Villiers: Toe 'n groot Tiervis uiteindelik gebyt het.
Laagtepunt:
JI: Net 2 visse vir so lang dag.
Villiers: Dat ek nie naby my stok was, toe 'n groot Tiervis uiteindelik gebyt het nie!
6 comments:
Dit is 'n groot een....Geluk Joshua, wow! Ma skat joune is mooi jong!!!! Mnr Vilj....jy gaani so 'n vis vang nie. Jy moet maar 'n paar tips vang voor jy die vis kan vang. Maar my sussie se sy "like" hoe jy vang....Lekker gechilled met natuurlik die coke...hehehehe! Jammer oor die vuil water....jy sal oppad terug jou grote kry.....jy beter!!!!! Ek kan dink julle is moeg na 'n lang dag op die water... Lekker slaap vanaand. T
Ek is so bly niemand het viners verloor met die tiervis vangery nie! Mooi so JI, jy kan die tiervis opstop en eendag bo jou kaggel hang...(he he)Villiers, ek is seker die visse weet jy is algergies vir vis en bly dus liewer weg van jou! Geniet die Valle.
Ag, maar dis 'n behoorlike 'manne-fees'! Visvang is gladnie vir my 'n begeerte nie, maar as dit 'n vereiste sou wees om op so 'n trippie te kon gaan, sou ek selfs ook 'n visserman word! Geniet jul laaste 60 dae...
Heyhey! shoe, daai tande lyk maar bietjie grillie - Villiers ek's bevrees hierdie gannie help om jou oor daai visfiemie te kry nie...:-)Maar moet se dis soos die ultimate rustigheid opi boot met 'n ou visstokkie en coke..maar JI dit lyk my jy doen ali harde werk!Hehe.. enjoy julle Sondaggie baie!
Hallo!!!
Awesome Fotos van die visse!! dink dis 'n ondervinding wat meeste hengelaars graag so wou he!!!! well done ! Dis rerige mooi visse, Jammer oor "the one that got away"!! Maar daar sal 'n volgende keer wees!!
Tiervis is nie een van die maklikste goed om te vang nie. Baie geluk met die visse, hulle lyk mooi. Joshua s'n is 'n bielie. Daar by Binga is 'n vissermans-lodge, Masuma River Lodge, wat al vir jare leeg staan. Mens kan sien dat dit eens op 'n tyd 'n baie "fancy" lodge moes gewees het. Daar binne is 'n klomp troffee tiervisse teen die een muur. Ek wonder of iemand al in tussen die lodge opgeknap het. Skynbaar ook 'n goeie deel van Kariba vir tiervis vang. Dit is ook hier waar Brett Mac Donald se boothuis, Lady Jaqueline, gemeer le. Geniet jul trip verder. Die lekkerste le nog voor!
Post a Comment